前言：
「富士山」呢個地方細個時候經常會喺日本紀錄片或卡通片睇到，有時會夢想攀上山頂，但當時總覺得目標遙不可及。直至我參加童軍後，有機會接觸行山呢類活動，繼而同幾位朋友成立了「FolloMe隨我行」，到訪過香港不同的山峰。這幾年間，不知不覺大部份我喜愛行的山都行得七七八八，但仍未去實踐攀登富士山的兒時夢想。
過去幾年，其他隊員都有去外地登山的經驗，而我因為特別原因很少參予，好似上年其他隊員都已經去過富士山，只係因為打風而上唔到頂。今年大家決定再去挑戰我夢寐以求的「富士山」，而我終於可以安排到時間一齊去，我當然係立刻舉腳贊成啦!! 好幸運地，我第一次嘗試登山便成功登頂，而在整個攀登富士山的過程中，亦帶俾我好多難忘體驗，所以我好希望藉依篇日記將一些點滴分享俾大家。
—————————————————————————————————-
二O一九年七月十日，6:45am鬧鐘響起，食過酒店贈送的三文治及飲料，背起所有拍攝裝備，7:30am便到富士宮駅巴士總站準備買飛前往富士宮線五合目。
原本打算買8:10am的車票，可惜當日原來那班次還未開始服務，因為當天是富士宮線第一日開山，所以班次會比較疏落。
我地只好購買9:00am第一班巴士，趁有些時間我們便走到附近「富士山本宮淺間大社」，隊友說通常一般登山人士上富士山前都會前來參拜，祈求順利登上富士山。
在淺間神社附近有一座新的富士山世界遺產中心，中心倒影在水池中，形成另一座富士山，非常特別。參觀完呢兩個地方，時間都差唔多，我們便走回到巴士總站第候上車…
九點鐘巴士準時開車，但不知道為什麼巴士又駛回我們剛去完的「富士山本宮淺間大社」，而周圍有很多公公婆婆係巴士旁邊，不知等待什麼事情發生…
打聽之下，原來當天因為係富士宮一年一度富士宮開山祭，神社會為大家祈福，祈求所有登山人士安全。
正為今年頭兩班開往富士宮線巴士祈福，巴士公司職員更送了由神社送出的布帶，祝我們登山順利。
經過一個多小時後，巴士終於駛到富士宮線五合目，登山前先來個合掌，激勵一下大家先。
初次踏上富士山，第一次行火山石形成的行山路。
還未到到六合目，天氣開始下雨，大家即時換上雨衣或防水風褸。
第一段路比較輕鬆，行了20分鐘便到達六合目山屋「雲海莊」，攞支金剛杖去燒印，費用¥300
休息幾分鐘，繼續上山，向新七合目出發。雨雖然停咗，但依然好大霧，加上上斜幅度大咗，所以大家都小心翼翼地一步一步去行。
呢一段路比較長，由六合目到新七合目山屋「御來光山莊」，我們用咗大概50分鐘才到達，開始覺得有少少喘氣。
大休10分鐘，繼續上路，向元祖七合目目標出發，預計要行50分鐘。突然間，雲霧散了，立即用手機影相先。
一路上旁邊都有繩索，指示登山的路徑，十分安全
經過50分鐘終於來到「元祖七合目」，門牌顯示我們已經到逹海拔3010米，距離山頂只有700米左右。
休息時，遇到一樣來自香港的登山客，言談中他們說會係八合目山屋休息一晚，而我們卻選擇山頂山屋，所以要爭取時間繼續上路，臨行前找他們幫我地影張合照…
開始看到藍天與雲海
到逹八合目「池田館」，已經行了三個多小時，我們決定在這裡食午餐。
食過午餐，休息20分鐘後，繼續上山，向九合目進發。
途中看見有錢幣放在木柱上，非常特別
來到九合目「萬年雪山莊」，天氣開始凍，唯有笠埋頂帽去行
離開九合目不久，朋友發現旁邊未溶的冰雪，非常雀躍，立即開FB LIVE即場報導(估唔到竟然真係有朋友在線上，你們不用上班嗎?)。
一路望向九合五勺山屋慢慢向上行，終於來到「胸突山莊」。
Yeah，上多一段路就去到山頂，心情非常興奮，但隊友提醒我最好六點左右到達山頂山屋登記，因為它們七點左右就會關上大門。
最後一段路，山路雖然不算難行，但由於已經行了超過五小時路程了，每行十數步，便需要停下來回一回氣。
經過最後一個鳥居，已經很接近山頂。加油！
看見「頂上淺間大社奧宮」鳥居，即代表終於到達富士山山頂。
「FolloMe隨我行」隊員合照(後面就係火山口，左上角就係富士山最高點「劍峰」)
影完合照就返到山屋，山屋為我們準備了熱辣辣的咖哩飯&麵豉湯，味道雖然唔講得上很美味，但身處係海拔3700米以上，一碟普通的咖哩飯加湯已經非常滿足。
7:00pm，山屋職員關上了大門，幸好我們在關門前到達…
山屋職員安排我們幾個當晚住在樓上房間，地方十分寬敞。到了8:00pm左右，山屋便關了燈，連電話網路也關上了，我們只好乖乖地睡覺。
不知道是否「陌生床」又抑或高生反應關係，一直睡得唔好，瞓下醒下，半夜還起身飲了幾口清水。
出發前，我們已經check了日出時間大概係4:30左右，於是我們調較了電話鬧鐘3:30am起床。
3:30am起床，我們幾個似乎都有些高山反應，有點頭痛，幸好我們帶了止痛藥。每人食了兩粒，舒緩了頭痛徵狀，之後便行落下一層食早餐。我原本打算希望早些可以出去山屋外面，看看可否影到山頂上星空，可惜原來山屋規定，未到4:00am大門係會關上的，有點失望！
在等待開門時候，山屋為大家準備了早餐，味道還不錯呢！
吃完早餐，我們便立即起程去「朝日岳」睇御來光。
日出一刻真係十分感動，既有金黃色蛋黃，又有雲海作為陪襯，真不愧為人生十個必去地方之一。
當然係唔少得又係「FolloMe隨我行」合照啦:)
看完日出，當然係登上富士山最高點「劍峰」，海拔3776米
FolloMe會旗再一次飄揚：）
行完「劍峰」，我們還未即時下山，因為還有一個重要任務未做，是什麼呢？就係去富士山山頂嘅郵局寄明信片給其餘今次無參予的成員。
寄完明信片後，我們便立即下山回富士宮五合目，因為我們要趕上11:00am巴士，每日只有兩班，另一班好像係5:00pm，所以下山嘅過程係有點兒趕⋯
下山的過程不算崎嶇，但當中大部份都是火山碎石，稍一不留神就會跣倒，建議大家下山時戴手套，減少受傷機會
當日天氣不俗，一路上由高處望向山下的山屋，三個小時左右便回到五合目
回到市中心，食返個豐富午餐是理所當然吧，「大滿足」！
感想：
行山咁多年，登超過一千米的山雖然唔係第一次，但登頂一刻非常感動。過去大半年，不愉快的事情不斷發生，女友因患病而離去，令我的心情變得十分負面。當朋友在山屋問大家登頂感想時，我都忍不住淚水，激動到喊了出來，「如釋重負，我終於成功了，謝謝妳」…這次的旅程過後，我深深體會人係世上真的非常渺小，但只要踏出第一步，不斷向前行，總會去到目的地，當然出來嘅result未必係最好，但經歷的過程一定會刻骨銘心。十分慶幸有一班老友係身邊支持著我，由陰霾處慢慢走出來，多謝你們，下一次旅程一定會更精彩！
登山日期: 2019年9月10-11日
(撰文、攝影: Witman)
在〈【旅遊日記】苦盡甘來的富士山之旅〉中有 1 則留言