昨晚朋友問我有無興趣踩單車，即時答”有”!! 其實之前已經好想試下台灣單車遊，今次有咁好機會，就算要好早起身都十萬個願意呀!!!
朋友屋企對面已泊滿單車可供選擇，只要有台灣電話號碼加一張悠遊咭就可以租車了。試好車無問題就出發啦~
先到板橋「435藝文特區」，太早所以無乜人呢~
整個藝文區有好多壁畫~
也有台灣出名既十分天燈、淡水情人橋、九份景色等~
之後到新月橋，早上同晚上既感覺好唔同~
遠望新月橋~
睇下單車路線圖先，原來可以由板橋踩到淡水架，望落都唔係好遠即 XD
沿途都有好多壁畫，單車徑好闊落，唔怕會撞到其他人~
要踩上橋再落橋….以我既技術…..只可以推住架單車行呢 XD
過左對面，橋底下有好多地攤賣雜貨，就好似香港深水埗一樣~
橋底下仲有食市架，中間位置放滿枱同座位，就好似美食廣場一樣~
朋友點左大骨湯、鯊魚煙、魷魚、粉肝等，早餐竟然係食哩啲食物 😛 鯊魚煙係第一次試食，食完都唔知係乜黎 XD 而粉肝個味又幾好食喎! 好特別既早餐，哈~
食飽再上橋~
踩去大臺北都會公園，公園開滿花，成個花海好靚呀~
今次有樓梯晝~長頸鹿都好可愛呀~
另一邊橋底，有班老友記表演吹SAXOPHONE呢~
係時候返去了，到公園附近既捷運站還車，中午12點左右就回到板橋，之後就去朋友推介既”小潘蛋糕坊”買鳳梨酥，估唔到一早已有人龍，好誇張呀~
返屋企PACK好行李，就去左ARTCO 33 觀景餐廳 (BISTRO AND BAR)食午餐~
點左松露薯條、帶子鮮蝦意大利飯、醬燒豬肋骨，小妹妹都爭住食薯條呀 XD
餐廳下一層就係32樓既觀景台，睇到板橋區景觀~
之後就揸車到三峽老街，成條街都充滿懷舊感覺~
店鋪賣既懷舊產品~
老街最出名既牛角包，有咖啡、朱古力、黑糖麻糬、椰子、紅豆、菠蘿、芝士、抺茶紅豆等多款口味~
旁邊仲有間廟宇~
行多陣都夠鐘到機場了，今次真係好多謝朋友熱情招待，感激你地抽時間陪我去左咁多地方，打攪曬了^^ 期待下次再同你地見面~ BYE BYE啦~台北~~