咇咇咇咇…咇咇咇咇…晨咁早鬧鐘又響啦 >< 今日早起，因為9:00要到花蓮港出海睇鯨魚，最後半日係花蓮都要玩到盡!
每年大約4月初至10月底都係最適合出海睇鯨魚既時候，出發前已網上預約好上船時間，船公司每日分5段時間出海，全程約2小時，仲有專車到民宿或酒店接送客人到碼頭，好貼心服務~
拿拿林換好衫，執好行李，食個簡單早餐就準備上車，我地就係坐哩架VAN仔到碼頭~
落車啦~
工作人員先教大家著救生衣，然後等點名就可以上船啦~~為免嘔到七彩，上船前記得食暈浪丸呀!!
上到船第一時間著救生衣，今日天氣唔錯，希望會睇到鯨魚啦~
好多人急不及待行到船頭等鯨魚出現~
駛到海中心其實都幾大浪，右搖右擺~
等左陣，見到海豚呀!
朋友仲拍到短片! 唔只得一條海豚架!!
雖然今日睇唔到鯨魚有點失望，但睇到海豚同曼波魚都算有收穫呀~~
出海時咁好天，回程時先黎落雨，我地都幾好彩呀~
上到碼頭雨停了~
沿住海邊行到對面白色屋仔食午餐，哩度影相都幾靚~
點知太早，全部餐廳未開 >< 最快都要等一個鐘先會開門~
左諗右諗都係決定返市中心食晏，但附近又好難截的士，諗住叫餐廳員工幫手CALL的士，佢竟然話車我地到市中心~~超NICE NICE呀!!!
我地揀左係花蓮文化創意產業園區落車~
先到園區內Arrow Tree Cafe坐低食件cake，嘆返杯茶先，過下台灣人慢活生活~
點了幾件日式蛋糕~食完仲想再食~
園區內分左幾個展覽館~
其中兩個館售賣特色美食、手工藝、雜貨等~個人好鍾意用番梘，見到有售賣手工番梘都會想試用，哩個番梘既包裝好有環保概念，包裝紙係用回收紙材再與植物種子結合，拆開包裝後，將紙種係泥土中，加適當水分，等紙張慢慢分解然後種子會發芽。包裝紙可以分解再回歸土地，咁就唔會造成環境負擔又可美化環境，讚呀! 真係好欣賞哩個概念，希望將來會有更多產品都能夠有哩個概念啦~展館內仲有好多自家製產品都值得買架~
行到另一邊”恆好”，裏面包含了書店、花藝、雜貨、餐廳及遊戲區於一身，係三五知己休閑聚會既好地方，食下野，睇下書同花藝，再買下野又過一日~
提提大家，係園區內購物滿2,000台幣就可到客務中心辦理退稅，估唔到我地買到要退稅，真係唔可以睇少女人既購買力 :p 另外，大家最好預多點時間辦理退稅手續~
要食晏啦，去餐廳途中見到”曾記米麻糬”，就買左2粒試下，味道普普通通~
去到先知餐廳休息 =.= 最後就揀左哩間地道小店~
點左排骨麵、雞腿飯、肉焿湯等~小店食物質素唔差，真係平靚正架!! 食飽要返民宿攞行李了~
包車司機好好人士，免費車我地去火車站，又要再講多次，台灣人真係好NICE NICE，好肯幫人!! 所以咁多人鍾意到台灣玩係有原因既~
要離開花蓮啦~~~
朋友們就係台北火車站落車再轉捷運到機場，而我就自己一個人繼續行程，到板橋站探下老朋友 😛
4日花蓮旅程就咁結束，第一次同哩班朋友仔去旅行，估唔到大家可以咁夾玩得咁開心，下次要再一齊去旅行呀~~
由於會係台北住多4日，所以買既手信唔多，有麻糬配鰻魚醬同黑糖醬、蔥味同原味奶油酥條、脆剝皮辣椒、桃味蜜糖、手工番梘、鑰匙扣、香水膏等~~
花蓮+台北8天遊 DAY 3~鯉魚潭~雲山水~新光兆豐休閒農場~芭崎休息區~牛山呼庭