花蓮+台北8天遊 DAY 3~鯉魚潭~雲山水~新光兆豐休閒農場~芭崎休息區~牛山呼庭

一早就叫包車司機車我地到”中福早餐店”(地址: 花蓮市中福路198號(布落灣飯店對面)),去一間台灣朋友由細食到大,認為係全花蓮最好食既蛋餅,勁浮誇 XD,介紹得都要去試試~朋友叫它”啞巴蛋餅”,只因老闆係聾啞人士,店外連名字都無,真係有點難找…..

坐低點了蛋餅、蘿蔔糕、饅頭、豆漿等,蛋餅加埋枱上既醬油同辣椒醬會更好味! 每次去台灣旅行”蛋餅”都會係我早餐首選~

第一站”鯉魚潭”,岸邊泊左好多隻天鵝同龍舟等大家上船遊湖~

慎防被騙,最好搵有價目表既店租船,明碼實價嘛~

IMG_1841

鯉魚潭地圖~

IMG_1850

圍住湖邊踩單車都係一個很好既選擇~

影下相先~

IMG_2788

個天好靚呀~

朋友推薦要食全台灣只有鯉魚潭先有既”活跳蝦”,隨意入左間有活跳蝦食既餐廳”阿房小吃”。

先把生蝦浸暈,然後直接放入口,食落去只感覺食到蝦殼,個人覺得唔係咁好食,試一次就夠了 😛

見有時間,司機帶我地去多一個景點”蜆之館”,哩度可以摸蜆同餵鯉魚,但我地對兩者興趣不大,所以到此一遊,很快離開了~

見車程有啲遠,係車上彈下結他仔先,消磨一下時間~~

IMG_2854

“雲山水”係近幾年發展的新景點~

但其實屬於房地產項目,把園區整到靚靚開放比外地人參觀,鍾意既話就可以買返塊地,然後建成自己鍾意既渡假別墅,所以睇到既屋都係私人或提供民宿既地方。

中間湖境又真係幾靚既~

IMG_2806

司機見我地影得咁開心就偷拍左我地~

有人係度影婚紗相架~

天氣咁好,真係可以影到好多靚相~

下一站”新光兆豐休閒農場”~

醫下肚先,午餐係園內”莊園咖啡館”解決,食物選擇種類唔多,叫左牛肉麵同牛肉燴飯,附送奶酪同冰紅茶,台灣既紅茶都偏甜,但奶酪有好香既奶味,好味喎!

園區其實都幾大,就到時間坐遊園小火車會比較好~

我地就揀左租用電動四輪車遊園啦~自己想去邊就去邊~方便好多~

IMG_1949

今次主要想到動物區睇樹懶同浣熊,第一次睇樹懶,佢地移動得好慢,感覺真係好鬼懶呀!浣熊就好動好多,係池邊走黎走去戲水~

踩住單車周圍遊下先~

園內遊人好少,我地可以隨意坐係路中心影相都無人理。園區隔離仲有個溫泉渡假村,提供住宿同溫泉服務,有興趣都可以去住下~

之後再到”芭崎休息區”,高處遠望可睇到好靚既海灣,如果天氣能夠清啲就更好了~

我既無聊朋友去到邊都要影下特別相 😛

最後一站”牛山呼庭”,2017年電影”沉默”就係哩個海邊同附近既山丘取景拍攝架啦~

由於哩度係私人經營既海邊景點,所以每人要比50台幣作維修及清潔費用~

入場啦~

園內有好多特別木製品~

入場劵既費用可到餐廳作同等價值消費~

走到山上,背山面海,景色一流,吹住海風,好舒服呢~

大家興奮到跳曬舞 XD

IMG_2923

係草地上JAM下歌先~~可惜唔記得錄影~~浪費左咁靚既景色 ><

太陽開始落山,又夠鐘回程了~~

因為有太多野食想試,所以晚餐諗住掃街,咁就可以樣樣試下。見到海埔蚵仔煎有開,要再ENCORE多次先! 蚵仔成枱面都係~~好吸引呢! 唔客氣啦!!

之後到”戴記扁食”,扁食即係餛飩,係花蓮最老牌的名產小食。

見到”杜倫先生”咁可愛,入去睇下先,其中一款比較特別既產品係沾醬麻糬,有鰻魚醬、黑糖醬、甜辣醬、焦糖醬、草莓醬、照燒醬等,無諗過麻糬都可以有鰻魚味,試食過味道又唔差喎,買黎做手信都幾好~~

黎到”公正包子”,點了小籠包、蒸餃跟酸辣湯,又平又好食,小籠包同香港既菜肉包差唔多,如太多人等位,可選擇到隔離”周家”,食物跟公正包子大同小異。

最後試埋”鵝肉先生”,走到櫃台前,店員開住米高風落力介紹菜色,因為大家已經有點飽,所以決定點澎湖冰卷(季節性產品)、鵝肉前段(因為比較瘦一點)同炒高麗菜試試~

食飽大家就分頭行街啦,第一次行”光南大批發”,原來都幾多雜貨賣架喎~

IMG_2850

咁啱行經舊鐵道行人徒步區,可惜今晚無街頭表演睇~

IMG_2851

同行朋友就黎生日,諗住比個驚喜佢,靜靜雞去左文具店買生日咭,又叫房東幫我地預訂好蛋糕,放係民宿雪櫃內,朱古力蛋糕睇得又好食! 唔錯!唔錯!

IMG_2865

再準備好汽球~~

IMG_2911

彈唱埋生日歌,算唔話得啦掛,許返個願先啦~

IMG_2862

生日快樂呀,壽星仔!!大個仔要聽教聽話啦~

IMG_2871

希望你會鍾意啦~

雖然有好多張都爆光了,但睇返啲相都好開心呀~~

IMG_2884

花蓮+台北8天遊 DAY 1~東大門夜市

花蓮+台北8天遊 DAY 2~太魯閣~七星潭

花蓮+台北8天遊 DAY 4~花蓮港~花蓮文化創意產業園區

花蓮+台北8天遊 DAY 5,6,7~五分埔~十分瀑布~基隆夜市~新月橋

花蓮+台北8天遊 DAY 8~板橋435藝文特區~新月橋~大臺北都會公園~三峽老街

廣告

發表迴響