“金門”其實上次已經想到此一遊了，可惜時間唔夠，唯有放棄。今次再黎廈門，一定要把金門列入行程內，出發前已係網上申請了台証，帶備PASSPORT，準備出發!
由於即日來回，我地就計劃坐早船到金門及尾班船回廈門，務求玩到盡。8點半左右到達五通碼頭，買了9點半船票，雖然每隔30分鐘便有一航班，但開航前30分鐘就會停止辦理登船手續，而且廈門塞車情況嚴重，所以要預多點時間到碼頭購票。
以下係當日到金門即時班表:
http://port.kinmen.gov.tw/realtimeshow2.php?ctNode=251&idPath=214_244_251
以下係當日回廈門即時班表:
http://port.kinmen.gov.tw/realtimeshow1.php?ctNode=252&idPath=214_244
準備登船~今日超好天呀~藍天白雲~
大約半小時船程就到金門，一落船就見返繁體字~感覺好親切哦~~
過完海關， 拿了小册子及金門地圖，再計劃一下行程先出發。金門巴士路線唔多，班次又唔密，四人行既我地，起初有諗過包架”小黃”即係的士玩半天，但感覺價錢不太化算，每小時400台幣，而巴士單程只需12台幣，想去既景點又唔多，最後打消了此念頭，抱住玩得幾多得幾多既心態開始行程。
係碼頭換好台幣後，就到對面巴士站搭車入市內，當我地猶豫緊坐邊架巴士時，旁邊既大叔好主動咁問我地想去邊，然後教我地坐巴士(7、7A或7B)便可到金城車站，又問下我地係邊度黎等等…..閒談左幾句。
上車時先發現可用悠遊咭，可惜忘了帶，不然就方便很多了。大約15分鐘車程便到逹金城車站，落車後大叔指著客務中心及告訴我地如有問題可到此查詢，好友善呀!台灣人總是比較健談同熱心助人! 十分感激!
車站後方就係郵局，急不及待把寫好既土樓POSTCARD寄出~
經過後浦的模範街~
再到邱良功母節孝坊，此彩衣母獅被當地居民視為守護神呢~
本想試下網上大家推介”蚵嗲之家”既炸蚵爹，可惜營業時間係下午2點半，無機會試食了 ><
唯有轉到對面大街~睇下有乜好食~~
諗住食蚵仔面線，但老闆娘說今天沒有蚵仔，只好食廣東粥 。初時以為同香港既粥差不多，但原來有點不同，食落係無米粒的，因已把米磨成米槳~大家不妨黎試下 XD
食飽後，沿著小册子介紹既景點順序行~還見到舊式藥房~
穿過哩條小巷，就會到奎閣(這是祭祀魁星的樓閣)，因牌坊太小，睇唔到而兜左個大圈先到=.=陳詩吟洋樓雖在旁邊，可惜現正維修中~
好多人都話黎到金門要買鋼刀，但甚少落廚既我自然對鋼刀興趣不大:P
之後再坐巴士(3、 6或6A) 到金門必去既地方”莒光樓”，由於無留意車內既顯示屏，而且無人上落車而不停飛站，因而錯過了莒光樓站，果刻突然感到不知所措，幸好得到車上婦人及老婆婆熱心幫助，告訴我地這巴士係循環線黎，之後會返回莒光樓站，就係咁我地就坐左一圈，好采都係20分鐘左右，終於回到莒光樓站了~
走到最高層可眺望金門美景， 大廳內有多媒體放映室，大家可藉由影片了解金門的文化及風土民情。
之後再到”建功嶼”，因莒光樓並沒有巴士直到建功嶼，所以只能回到金城車站，再轉巴士7A。
在車站旁既”喫茶舖”買了這杯茶解渴，飲品可免費加椰果或珍珠之餘，份量仲好多呢，良心企業呀~
到建功嶼應在”廷平郡王祠”站落車~
到站落車後，遠眺可見海水還未完全退去~所以到建功嶼時，要記住到以下網址睇下潮退及上島時間~
http://tour.kinmen.gov.tw/Chinese/tide.aspx?n=10325
見對面既”廷平郡王祠”幾特別，就逛逛吧~竟然有”I 心U” XD
影返個全景先~
沿著石路走，可走到出面既小島，該島總面積約有500平方公尺，大約半小時可參觀完整個小島。當海水未完全退去時，要踩住石仔走過對面呢~
但漲潮時，建功嶼就變成了海上孤立的小島。
在清末民初時期，據說當地百姓將一些末期痲瘋病患移入島內，任其自生減，故亦稱”痳瘋島”，致人人聞之卻步。之後國軍在此建立據點，建功嶼曾為金門軍事上的前哨站(即向敵軍所在方向派出的警戒小分隊)。島上現存五個碉堡，另外還有瞭望哨、廚房、電台室、政戰室、營舍等。
還有鄭成功石像及其征臺路線圖~
石像面對著一望無際既大海~
係時候回程了，為免買唔到回程船票，所以早點回到碼頭，買了最後一班船票(5:30PM)回廈門，咁就可以多點時間到手信店逛下啦~
其實金門景點很多，一天真的走不完，如大家逗留多幾天，可考慮購買二日券、一日券或半日券乘坐金門觀光公車遊覽整個金門，大致分為四條路線，詳情可到以下網址詳閱：
http://www.taiwantrip.com.tw/tickets/49?x=5&y=2
回到廈門，朋友約了到”壹頭牛”打邊爐食牛宴，一踏入餐廳就見到廚師不停手地切牛肉~推介大家食牛丸~真係好彈牙~其他就不過不失啦~但價錢比香港平好多~~
食得太飽，到對面SM CITY商場行下消化下先，順便到WALMART睇下有乜好買~
今次既戰利品~去旅行總愛買手信:P又係時候收拾行李準備明天回港了~
