聖誕再遊廈門 DAY 2~南靖土樓~田螺坑土樓群~裕昌樓~塔下村~中山路步行街

上次參觀過"永定土樓"後,就覺得土樓真的很值得去!同行既朋友對土樓也十分感興趣,所以今次參加了"南靖土樓一日遊(田螺坑土樓群)",團費每位人仔158元。今次揀選返上次既廈門縱四方旅遊,只需前一晚打電話報名即可,團費上車先比,而且會有接送服務,導遊講解清晰,服務態度良好,回程時也可送到其他旅遊熱點或回酒店,又唔會強迫購物,所以再次參加了此旅行社既旅行團。

早上7:00,準時係酒店對面馬路等待旅遊巴接送到集合點。

img_1056

由於"永定土樓團"跟"南靖土樓團"合併在一齊,所以今次係坐大旅遊巴士,初時還以為自己上錯車呢!@@

2個多小時既車程,先到床舖及枕頭推銷中心,睇見海報既英文翻譯,真係笑左好耐 XD

床舖同枕頭當然吸引唔到我地消費啦~只好企埋一邊等待離開~

img_1061

見仲有時間,就走到隔離手信店購買POSTCARD~都幾靚呀~

img_1062

午餐時間,今次轉了另一間菜館,餸菜確實比上次既團餐好一點點,簡單食過後,就上車出發到土樓。

首先到達"南靖土樓",領隊把我地交比該景點導遊後,就上車離開了。

img_1067

為了要睇田螺坑形狀,所以要坐另一架旅遊巴上山,沿途不停轉灣,轉到頭都有點痛了 ><

img_1071

大約半小時既車程,到景點入口了~

先到觀景台睇"田螺坑土樓群",當地人稱之為"四菜一湯",此土樓群由步雲樓、振昌樓、瑞雲樓、和昌樓、文昌樓組成。由上而望,四個圓形土樓圍住一個方形土樓,真係好有特色,影出黎既相跟POSTCARD差唔多呢 😛

img_1077

睇睇地圖先~

p1180137

沿住山路往下走,先到"和昌樓"~

旁邊佈滿了唔知乜菜既菜乾 XD

之後再一直往下走~黎到方形土樓"步雲樓"~

由於時間有限,所以只能參觀2個土樓,然後沿路行出村口回到車上到下一個景點,旁邊仲見到好多梯田~

img_1133

下一個景點"裕昌樓",這裏有酒店,如大家有興趣,還可一嘗住土樓既感覺~

裕昌樓建於1308年,是福建土樓現存最古老既土樓,共有五層,房間269間。這土樓最大的特點係柱子東歪西倒,最大傾斜度為15度,經過多年既風雨侵蝕和地震既考驗仍然屹立不倒, 目前還有100多人居住。

土樓中心建有一個圓形祖堂~img_1800

上車後再往下走便到小橋流水人家"塔下村",一條長約一公里既山溪兩旁有42座土樓。

隨處都見到好多走地雞同鴨~

一直走~又見到另一個土樓,這個當然比較細~

沿著溪邊走~

這是最後一個景點"德遠堂",又稱"張氏家廟",係最完整的古代姓氏祠堂之一,亦係全國重點文物保護單位。

img_1211

回廈門既路程比較擠塞,所以3點多便要離開。回程時,領隊會係車上問大家想係邊落車或回酒店,然後會因應唔同目的地安排所屬旅遊巴,十分貼心同有效率~讚~

太早起身既關係,係車上訓到傻左~起身時已差不多到中山路步行街了~

去返上次食過既"賴皮鴨"及"蟹黃湯包",感覺並沒有上次咁好食=.=朋友說這些食物只係遊客先會買~

跟住朋友介紹我地食臭豆腐,這店係一條小小既巷子裏,如不是朋友帶路,真係唔會知道巷子裏有美食呢~環境雖不怎麼樣,但又平又好食~~

沿著海旁行,還睇到對面鼓浪嶼既夜景~可想而知有幾近呢~

img_1231

周圍逛逛後,朋友還帶我地去左食豬紅鴨肉粉絲~味道唔錯~食左咁多美食,今晚真係好滿足~~

參觀過"南靖土樓"後,感覺比"永定土樓"更值得一去,因為睇既野比較多,令行程更加豐富,下次會考慮參加"雲水謠一日遊"。

明天出發到金門呢!晚安啦~

聖誕再遊廈門 DAY 1

聖誕再遊廈門 DAY 3

聖誕再遊廈門 DAY 4

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s