出發日期：24/12/2016-27/12/2016
行程如下：
DAY 1: 香港–>廈門北站–>酒店->思明區->酒店
DAY2: 酒店–>南靖土樓–>田螺坑土樓群->裕昌樓->塔下村->中山路步行街–>酒店
DAY3: 酒店–>金門–>後浦模範街->邱良功母節孝坊->奎閣->莒光樓->建功嶼->SM CITY商場–>酒店
DAY4: 酒店–>集美學村–>龍舟池->陳嘉庚先生故居-> 嘉庚公園->陳嘉庚紀念館->集美中學->萬達廣場->廈門北站–>香港
自今年復活節初遊廈門後，就對廈門評價很高了，一開始對哩個地方冇乜特別期待，但遊玩過竟然比想像中好很多，而且地方乾淨，治安感覺良好(相比其他大陸地方)，所以趁住聖誕四日連假一行四人再遊廈門:P
如有興趣可參考返我初遊廈門既行程及經歷:~
由於朋友早上要返工，所以今次下午先出發，經過上次復活節過關既經驗，就預早左時間過關，點知到達落馬洲時，竟然唔駛點排隊就可以過關，同上次既經歷差別好大，最後早了成個鐘到左深圳北火車站。
順利安檢後，大家見有點肚餓，就試了”真功夫”既套餐，UM…味道一般，但求其食點東西醫下肚~
準備上車，由於我地既車票係香港購買，所以應排紅色車票檢票通道~
入到車廂，睇到坐位前後都是大媽已心知不妙，說話既聲浪，感覺就像置身係街市內，經過3個幾鐘噪音折磨後，終於到達廈門北站了!!
出左火車站，立刻跳上的士出發到”廈門寶龍鉑爾曼大酒店”。沿途並沒有任何聖誕燈飾或佈置，但當踏入酒店大堂，終於感到有一點點過聖誕既氣氛了~~
房間環境都唔錯呀~
整理好行李後，就到麵包店會一會老朋友，同行既朋友都是第一次到麵包店呢~
店裏還有聖誕小蛋糕呀~
老朋友處理好麵包店既事情後，就帶我地去食晚飯~
途經街道兩旁還有燈飾點綴下~
走了大約20分鐘既路程，黎到哩間飯店~
餐牌就高高掛在牆上任君選擇~
朋友點了以下餸菜，其中”水煮三鮮”最為吸引，尤魚很鮮甜，食落有少少麻辣既感覺，底層仲有大量蔬菜，味道挺不錯呢~
食飽飽，係時候返酒店訓覺，養精蓄銳，準備明天重點行程之一”南靖土樓一日遊”。