(更新日期: 2017年12月6日)
又黎到芒草盛開嘅季節，各大媒體及群組全部都係大東山芒草相片同文章，就連平時唔行開山嘅你都可能會蠢蠢欲動。想行山賞芒，但又唔想去最熱門嘅大東山同人迫又點算? 如果我話你知香港其實好多個山頭都有好靚嘅芒草睇，你又會唔會考慮去呢?
以下係幾個可以欣賞到靚靚芒草嘅山，我覺得可以推介畀大家:
(1) 西高山
特色︰易行又可以同時欣賞日落及芒草，最適合少行山嘅人去。
難度︰4級 [10級滿]
芒草指數︰★★
路線參考︰
(2) 飛鵝山及象山
特色︰山上除可欣賞芒草，還可以飽覽九龍及西貢景色。
難度︰6級 [10級滿]
芒草指數︰★★★★
路線參考︰
(3) 馬鞍山及昂平高原
特色︰芒草遍佈馬鞍山至昂平一帶，可以一邊在草原上野餐一邊欣賞西貢景色。
難度︰4級 – 6級 [10級滿]
芒草指數︰★★★★
路線參考︰
(4) 老虎頭
特色︰有不少芒草遍佈老虎頭的山頂，隨風擺動的芒草如金色的皮毛，令這頭老虎更為神似。
難度︰6級 [10級滿]
芒草指數︰★★★★
路線參考︰
(5) 黃牛山及水牛山
特色︰芒草分散遍佈在黃牛山及水牛山，欣賞配上九龍群峰的日落，令人眼前一亮。
難度︰5級–7級 [10級滿]
芒草指數︰★★★★
路線參考︰
(6) 東洋山
特色︰山上遍佈芒草，部分甚至高過及頭，不比二東山遜色，亦是欣賞日出和日落的好地方。
難度︰5級-6級 [10級滿] (可改由飛鵝山道經大老坳前往，然後原路離開，難度為4級)
芒草指數︰★★★★
路線參考︰
(7) 石龍拱
特色︰芒草位置在石龍拱與下花山之間的山坡，夕陽下顯得更加耀眼。
難度︰6級 [10級滿] (可由荃灣港安醫院上石龍拱然後原路離開，難度為4級)
芒草指數︰★★★
路線參考︰
(8) 大帽山及四方山
特色︰芒草配搭大帽山髮夾灣車道、天文雷達站及奇岩，好容易就影到一張滿意的文青相片。
難度︰5級-6級 [10級滿]
芒草指數︰★★★★★
路線參考︰
(9) 蓮花山 (大嶼山)
特色︰蓮花山與二東山相連，由雙東坳至蓮花山一帶都滿佈芒草，但登山難度較高。
難度︰7級-8級 [10級滿]
芒草指數︰★★★★
路線參考︰
(10) 二東山
特色︰二東山在大東山的東面，芒草數量比大東山有過之而無不及，大家可以在南山上避開伯公坳上大東山人潮。
難度︰7級 [10級滿]
芒草指數︰★★★★★
路線參考︰
除左以上幾個地方，仲有新界青山、港島柏架山及大嶼山嘅彌勒山等等都有芒草嘅蹤影，我地黎緊11、12月會再去不同嘅山頭搜羅其他賞芒地點再為大家繼續更新。如果隨行友有發現其他山頭有好靚靚嘅芒草睇，可以PM我地，唔好個個都迫爆大東山喇!!
提提大家要愛護環境，記住記住記住唔好摘芒草做紀念，記得記得記得帶走自己帶去嘅垃圾呀! 唔該哂!
以下是其他發現芒草蹤影嘅山頭，大家不妨去找找:-
- 八仙嶺(新界東北)
- 青山(新界西北)
- 雞公嶺(新界西北)
- 柏架山(港島)
- 彌勒山(大嶼山)
- 鳳凰山(大嶼山)
- 鯉魚門舊石礦場(九龍)
(文、圖: 星行跡)