旅遊日記

~復活初遊廈門~ DAY 1~思明區

跟朋友說好的廈門之旅,終於係今個復活節成行了! 除左旅遊外,還可以探下多年沒見既朋友。

為免到時買唔到早上出發既火車飛,我地係出發前既兩個月已經係香港既中旅社買左火車飛了。酒店方面,就係Ctrip網站訂了”廈門金悅酒店” 距離廈門火車站只需行20分鐘既路程便到了,十分方便。

其實係Ctrip網站也可以幫大家訂火車飛的,但我會建議大家係香港既中旅社訂定飛比較好,因為係Ctrip網站訂飛既話,要預早最少一小時到逹火車站排隊換飛,如遇上假期既話,可能排隊的時間會更長。

出發日期:25/3/2016-28/3/2016

行程如下:

DAY 1: 香港–>廈門北站–>思明區–>酒店

DAY2: 酒店–>永定土樓–>曾厝垵–>酒店

DAY3: 酒店–>鼓浪嶼–>中山路步行街–>思明區–>酒店

DAY4: 酒店–>南普佗寺–>廈門大學–>白城沙灘–>中山路–>廈門站–>香港

 

出發當日,我地所乘搭的火車時間是10:15am由深圳北站到廈門站的班次,預計2:15pm到達廈門站。

約了朋友8:30am在上水火車站等,由於人太多了,連在落馬洲的地鐵出閘口也要大排長龍,更何況在過關閘口。過關後,我地要乘搭深圳地鐵的龍華綫由福田口岸到深圳北站才能到達火車站,車程大約半小時左右,因為今次係我地第一次連紅假日返內地玩,看見咁長既人龍等緊安檢再入地鐵真係令我地大失預算。

10:05am終於到達深圳北站,我地以9秒9既速度奔跑去火車站,可惜因為地鐵站與火車站入口還有點距離,就這樣我地坐既火車就走了……望著班次顯示牌,當天到廈門北站或廈門站的班次已全滿了,唯有嘗試到櫃位詢問下會否還有飛買,排隊排左成個鐘條隊都無點郁過,排隊期間,我地遇到一行8人同我地有相同遭遇既香港人,佢地都打緊電話詢問內地朋友到廈門的方法,邊排邊諗方案,我地諗退票好或換票或購買最近廈門站的其他火車站既票然後再補票在廈門落車或坐大巴到廈門等等…….突然,有人提議我地2個女子可以博一博大霧直接上下一班(11:56am)到廈門北既火車,左思右想後,我地都覺得可以一試,跟住….我地竟然真係順利地入左去呀!!

DSC_6320

入到去即刻睇下個邊個閘口,因為已經在檢票當中,我地就急不及待咁跑過去……

DSC_6319

長長既人龍,但我地仲係好緊張唔知能否成功上車…

DSC_6323

上車啦!!!!

DSC_6327

竟然順利地上左車而冇人質疑過我地唔係買當時班次既車飛,最神奇既係,高鐵上原來有好多人同我地一樣都冇位坐,而職員並唔會理會,見怪不怪一樣似的,沿途既車程我地就有時坐地下,有時企下,也邊諗….希望平安到廈門…因為都有點擔心超載既問題。

沿途經過既漳州站,有一大批旅行團落車了,所以我地都可以有半小時座位坐下~

DSC_6334

這些是二等座位,其實也挺舒服的,並沒有想像中的擠迫。DSC_6335

4小時後,我地終於安全到左廈門北站啦! 出閘雖有檢票,但檢票員並沒有認真check票,所以我地成功出閘了!!

DSC_6339

急不及待上了朋友CALL既的士,直接去朋友係思明區開既麵包店”THE F. BAKERY”見個面先。麵包店既裝修比較簡約,產品種類唔算好多,但試了幾款都很好吃~

page1

隔離還開了間酒吧,環境也很不錯,可惜我對飲酒無太大興趣,所以冇機會試試 😛

page2

同朋友閑聊過後,我地就去了附近既台灣餐廳食晚餐,環境、賣相、食物質素都OK 呀~

page3

晚飯後,我地就去酒店CHECK IN 了,原本諗住再到中山路走走,但大家都有點累了,同埋明天參加左一天本地遊到”安定土樓”,所以決定早點休息,明天還要早起呢!

~復活初遊廈門~ DAY 2

~復活初遊廈門~ DAY 3

~復活初遊廈門~ DAY 4

隨行者投稿

歡迎各位隨行友以文字、相片或影片,跟大家分享有關香港郊遊、遠足、攝影、航拍或露營的心得、遊記、趣事及路程規劃等等。

投稿方法:請把閣下的聯絡方法(姓名及電郵地址)、文字、相片檔案或影片(請提供影片存放連結,如youtube)電郵至follow2015atw@gmail.com

#內容版權歸作者所有,FolloMe隨我行網誌管理員則保留最終刊登及修改之權利

廣告
<推薦閱讀>  【外遊登山】沒法登上頂峰的富士山登山體驗 (下)

發表迴響