旅遊日記

~復活初遊廈門~ DAY 2~永定土樓~曾厝垵

由於土樓距離市中心還有一段頗遠既距離,所以我地決定參加本地一天團。出發前已在”土樓旅遊網”選好了要報既土樓團,我地所揀既係”永定土樓一日遊純玩團”,團費每位只須人仔128蚊,報名方法好簡單,只須在出發前最少一天打電話到旅行社報名便可,他們會安排員工在早上到酒店接我們到集合處,十分方便。

7:10am,旅行社已準備好了一架十二人既麵包車在酒店門口等,然後再到別處接其他客人,再送我地到大巴既集合地點。初時以為全車都係報同一個團,但去到集合點先知原來大家報既團是不同的,只是把我們送到集合處,然後各自上車。

去集合點既途中,發生了一段小插曲,麵包車竟然停在燈位後就唔識再郁,仲要停左係四條行車路既中間,果刻幾驚其他車停唔切撞埋黎,好采個司機努力嘗試再開車,10-15分鐘后架車終於郁返😅😅,果刻真係好感恩!

到左集合地點,已經有十架以上既旅遊巴等緊我地,可惜我地果架車仲未黎到,等左大約半小時左右,我地架旅遊車黎啦,可以上車!!

IMG_0659

由於我地既團友只得16人,所以坐既車都會比較細。等齊人後,8:25am開車出發!

一開車領隊就派發旅行團牌比大家,千叮萬囑我地去到邊都要戴住以免走失。

IMG_0662

在車上領隊講解下今日既行程,然後講明唔會迫我地購物,但當然會介紹我地有乜特產好買同係邊度買,不過跟得旅行團已經預左會帶我地去啲購物點。

第一站,買茶葉及咖啡,哩度有好多隻不同味既咖啡及飲品比大家試,任試唔嬲,還有不同既零食手信比大家揀,本身唔好咖啡既我當然空手而回啦~~

page1

除左茶葉、咖啡、零食手信外,仲有土樓裝飾品比大家選購。

IMG_0667

午飯時間到了,團餐係簡單既農家菜,由於每道菜既味道比較濃同喊左啲,所以唔駛15分鐘,我地已經食飽飽了~~

IMG_0671

坐了3個鐘左右既車程,12:30pm 終於到左今日重點景區–遊覽世界文化遺產–國家AAAAA級旅遊區”永定土樓”。景區土樓包括:承啟樓、僑福樓、五雲樓、世澤樓等。

IMG_0673

IMG_0674

等領隊換好入場卷後可以準備入場了~

這位係景區既導遊小姐,全程由佢帶領我地遊土樓及講解其歷史背景~

IMG_0676

進入景區後,沿途會有一些小店舖售賣紀念品及水果等。

第一個參觀既土樓是”僑褔樓”,它是單圈圓土樓,高三層,中間為天井,底樓對著大門中間有一個廳堂。這座樓因為出了11個博士而聞名於世,所以又被稱為“博士樓”。

IMG_0702

土樓內售賣既畫也畫得很漂亮~

下一個參觀既土樓是”承啟樓”,它是最完整及最大既土樓,故又被稱為“土樓王”,高四層,樓中四圈,全樓住著約60戶,約400人。

IMG_0813

這兩個房間就係土樓居民平日煮野食同埋休息既地方。

最後要參觀的是”五雲樓”,它是一個沒有石砌牆基的最古老方形土樓。

DSC_6351

IMG_0740

行到攰,係時候坐底飲返杯茶。品嚐了各茶後,沖茶姐姐當然希望大家幫襯下啦~~

IMG_0738

最後剩下大約45分鐘既自由活動時間,我地決定回”僑褔樓”再參觀一下,因為之前睇到只要每人比10蚊人仔就可以到二樓及三樓參觀,我地緊係唔會放過哩個咁難得既體驗啦~

2:45pm要回程了,最後我地仲買左張相留為紀念~~自己係影唔到哩個景的,因為”承啟樓”既上層是不准進入的,所以這張20蚊人仔既相係值得買的!

IMG_0816

回程既時候,我地可以選擇回酒店或到其他地方,領隊會盡量安排到我地想去既地方,十分貼心。最後我地決定到”曾厝垵”,為了縮短到目的地既時間,他們會把不同團但去同一目的地既客人GROUP埋同一架車,所以中途我地要轉兩架旅遊巴,可見哩間旅行社既團種多而且客量也很高。

7:30pm 終於到左”曾厝垵”了,哩度有好多特色既店舖及食市,由於廈門距離台灣金門很近,所以哩度有好多小食同台灣的夜市很相似呢~

沿途經過哩間小店見有得寄POSTCARD,所以我地就走入去逛逛。原來這裏既POSTCARD 可以在某些特定時間寄出,例如:一個月後、兩個月後…..甚至十年後也可以,見幾得意咁,我地倆就決定寫張POSTCARD比大家,但在2020年才寄出,唔知到時是否真的會收到呢?

兜了好幾條街,肚子已經很餓了,我地試食了以下哩幾樣作為晚餐~~

食飽飽又係時候返酒店休息了~明天向鼓浪嶼出發!!

~復活初遊廈門~ DAY 1

~復活初遊廈門~ DAY 3

~復活初遊廈門~ DAY 4

廣告
<推薦閱讀>  【外遊登山】沒法登上頂峰的富士山登山體驗 (下)

發表迴響