花蓮+台北8天遊 DAY 2~太魯閣~七星潭

太魯閣國家公園係花蓮必到既旅遊景點之一,主要橫跨台中、南投、花蓮三個縣,想一日玩曬真係有啲難度,一場黎到就去睇下山睇下水啦!

今日天氣勁好! 防曬準備真係要做足,唔係好易變燒豬=.=" 民宿隔離就係花蓮市歷史最悠久既廟宇"花蓮城隍廟",有時間可以去拜拜~

IMG_2654

到民宿對面出名既"廟口紅茶"食返個早餐先,點左蛋餅、肉粽、三明治、蘿蔔糕、馬卡龍,網上睇到台灣人寫既BLOG極力推介馬卡龍,就叫左件黎試下啦,點知…..味道怪怪的同香港既馬卡龍差好遠 =.=" 反而三明治幾好食,有啲似洪瑞珍三明治喎!

司機準時係民宿門口等緊我地,上車出發!

IMG_2761

40分鐘左右就到左太魯閣國家公園~

IMG_1614

先去遊客中心參觀,展示館內有「生態遊憩館」、「兒童環境教育館」、「人與自然館」等,主要介紹太魯閣自然景觀同埋提供旅遊資訊比大家。

行過對面馬路,四月份竟然係路邊執到紅葉~

IMG_1612

上車無耐就到左下一站"砂卡礑步道"(原名神祕谷步道)。

步道出入口分兩邊,一邊上另一邊落,分隔人流~

步道平坦易行,行曬全程約需3小時~

行到攰,可到觀景台坐低休息下,欣賞下美景~

我地行左一半路程就決定返轉頭~

因為趕住去下一個景點~

由另一邊上樓梯搵返我地架車~

IMG_1658

黎到"長春祠",祠內主要供奉爲興建中橫公路而殉職既築路英雄,旁邊就係著名既「長春瀑布」。

穿過長春橋,可行到祠那邊~

IMG_1673

沿住旁邊樓梯向下走,可走到平台上~

黎到下一個景點"燕子口步道",進入步道前會見到有一條好長既吊橋可通往"錐麓古道",由於古道地勢比較危險,所以要申請才可入園~

錐麓古道航拍影片

影片由 《航拍‧角度 Zino Aerial Photography》授權提供: https://www.facebook.com/zinoaerial (YouTube頻道: http://www.youtube.com/c/zinoinz)

燕子口步道都算係遊太魯閣重點之一,行完全程約需30分鐘,司機就係終點等我地~

IMG_1692

因為驚有碎石跌落黎,所以太魯閣國家公園提供免費租借安全帽,進入步道前記得戴好安全帽呀!

IMG_3004

準備好就入去啦!

山洞內影相都幾靚呀~

一直向前行~

睇到峽谷同埋獨特既岩石~

司機話哩度有個人像石(印地安酋長岩石)喎,真係要有豐富想像力先睇到囉…….

IMG_1725

到終點上車啦~

OLYMPUS DIGITAL CAMERA

午餐時間,司機提議我地去部落灣山月邨食特色原住民餐~見佢誠意介紹,就試試啦~

唔知係咪過左食晏時間,入到去又唔算好多人~

2位朋友好喜歡哩隻野豬仔,食完飯2人就帶左2隻細豬仔返香港了~~

IMG_1734

坐低睇下食乜好先,太魯閣牛仔、山月風情魚肉套餐、當山豬遇到巴黎鐵塔,套餐名都奇怪過人 XD

IMG_1732

點好餐,乾返杯先! 酒由豬嘴倒出黎,所以係要嘴對豬嘴咁飲,都幾得意 XD

上菜啦,每份套餐包一支竹筒糯米飯~

要動手劈開先可以食,名符其實既竹筒飯,朋友就揀左自己動手~

睇到要咁辛苦先可以打開,我都係叫服務員為我代勞好了 😛

整體個套餐味道都唔錯~

穿過餐廳會見到好幾間獨立小木屋,四面環山,側邊又無光害,夜晚睇星應該會好靚。飯店周圍有好多木製人像,除左有原住民原始風格外,仲有啲懷舊味道,有機會真係要住返晚,親親大自然,好好享受一下~

好啦,要到下一站"天祥",景點主要睇吊橋,然後再上一段樓梯到個塔~

大家對個塔興趣不大,所以係吊橋上影下相就走了~

IMG_1768

周圍都有馬騮出沒,仲會搶遊人既食物,食得津津有味,所以記住唔好帶食物黎呀~

坐車到另一個行山步道"綠水步道",沿途有斷崖、吊橋、山洞、小溪,全程走約1小時。

離開太魯閣,黎到"七星潭",哩度唔係沙灘而係一個石灘,全地都係(鵝卵石)石塊,每塊都有唔同既白色線條,想找相同的條紋都好難。

雖然地下既石塊好吸引,但大家記得唔好攞走石塊呀! 被人發現要罰款架!

石塊大多數都係扁平的,左疊右疊就砌左個塔出黎啦~

今日帶左UKULELE出黎,就用海浪聲做背影音樂彈返幾首歌仔先 😛

OLYMPUS DIGITAL CAMERA

開始天黑了,包車時間又夠鐘了,返左民宿抖左陣,就去食晚餐,咁啱見到賣奶油酥條既麵包鋪,就入去逛下啦,原來除左原味(甜的)仲有蒜味同蔥味(咸的),等我都買啲做手信先~

IMG_2709

今晚去"上老石鍋"食一人火鍋~

醬油係自助形式提供,大家可根據自己喜好調味~

每人先揀主鍋,然後再揀湯底,有原味、麻辣、泡菜或白醬,再配白飯、麵條或冬粉,加一杯沙冰或酸梅湯。

點好餐,先黎一客指定蔬菜類~

IMG_2717

我就揀左海鮮餐,朋友點了肥牛同鱷魚肉。海鮮+蔬菜+麵+飲品都係台幣258(約港幣65),真係幾抵食!

路上見到張美食地圖,有太多美食了吧? 真係好想試曬全部,無奈個胃容量有限 XD

IMG_2728

咁啱見到紫薯雪糕,仲要高纖低糖低熱量咁吸引,真係要食埋先滿足~

途經"海埔蚵仔煎",台灣朋友說這是老店,有開一定要食! 講到咁誇張,就試下啦,買左外賣返去食,又真係幾好食喎! 明天有開既話要再食過先得!

成晚不停食食食,好鬼滿足,不過有排都未消化曬,睇黎要抱住個肚訓覺了=.=

花蓮+台北8天遊 DAY 1~東大門夜市

花蓮+台北8天遊 DAY 3~鯉魚潭~雲山水~新光兆豐休閒農場~芭崎休息區~牛山呼庭

花蓮+台北8天遊 DAY 4~花蓮港~花蓮文化創意產業園區

花蓮+台北8天遊 DAY 5,6,7~五分埔~十分瀑布~基隆夜市~新月橋

花蓮+台北8天遊 DAY 8~板橋435藝文特區~新月橋~大臺北都會公園~三峽老街

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.