一早就比爸媽吵醒要執拾行李離船，當時只係早上6:00，好眼訓呢 >< 幸好一打開窗簾就見到個好靚既日出，心情突然好了起來，走到露台發現原來艘船已經駛到將軍澳了，很快就會返到啟德郵輪碼頭，意味著今次既旅程快將完結了。
泊了岸，忍唔住要拍下這維港景色，天氣很好呢!
7:00AM左右，執拾好行李，CHECK過賬單無問題（如有問題8:00AM前要到DECK5櫃檯詢問)，就到自助餐廳食個簡單早餐後才離船。如大家有太多行李需要托運，可在前一晚11:00PM前把行李放在艙房外並貼上綠色行李條，工作人員會幫你運走。
與親友閒談中，得知原來有很多乘客在早上五點多已經企係甲板上等待日出，由於周圍無山阻隔，所以日出睇得很清楚，很多人都拿著大機影相，聽到後真係好後悔沒有早起看日出，白白浪費了這個美好機會，唯有留待下次啦~~
自助餐廳旁有間美式扒房”CHOPS GRILLE”，我諗好多人都會忽略了這間餐廳，而直接走進自助餐廳裏。
準備離開，大家記得出示房咭，工作人員會SCAN大家既房咭確保所有乘客已離開。船公司會分時段安排每層乘客離開，雖然這不是強制性要按照船公司所編排的時間離船，但所有乘客必須在9:00AM前全部離開，以便他們準備下一批乘客上船，並在當天下午五六點左右離開出發到其他地方~
經過走廊見到貨車把一箱箱食物運送到船上，準備下一個旅程~
其實登船同坐飛機差不多，都係要過出入境處及海關。如有托運行李，過左海關後，就可按照牌號認領行李。郵輪碼頭有免費穿梭巴士到觀塘及鑽石山地鐵站，但車站距離有點遠。也有收費巴士到尖沙咀、太子及機鐵站等地方，的士也不少，所以不用擔心離開問題。
回程時，爸媽及阿叔阿嬸們都忍不住問我幾時會有另一艘郵輪，可見他們今次都玩得很開心，出身漁民既佢地，十多年沒有出海，唔知有冇令他們重拾當年出海既感覺呢? 😛
如大家真係有興趣上船遊玩，會建議大家選擇五日或以上既行程比較好點，因為可以到其他國家之餘還有足夠時間玩船上設施及睇SHOW。如到其他國家，登岸時可選擇自遊行或付款參與船公司既LOCAL TOUR。船公司每日都會派發”每日指南”列出當天全日既活動及表演時間，大家可根據自己既喜愛選擇活動。至於餐廳方面，雖然只有三間免費餐廳，但主餐廳每日既餐單都會有所不同，所以都唔怕會食到厭。
與上年相比，今次的服務及食物質素確實有點退步，唔知是否太多乘客既關係，但我覺得這艘郵輪都是值得來一趟的!