係酒店食過簡單早餐後，我地就坐的士到東渡郵輪碼頭向鼓浪嶼出發!由於近年太多旅客到鼓浪嶼了，為了方便島內居民，所以劃分了兩個碼頭到鼓浪嶼。旅客要到東渡郵輪碼頭(即廈門國際郵輪中心)上船，而居民就利用輪渡碼頭上船。
10:00am 左右到達碼頭，第一時間就飛奔去買船票，去到自助售票處，已經有好多人在排隊購票了….
排左大約15分鐘左右，輪到我地買票了，鼓浪嶼島上有兩個供旅客駛用既碼頭 (三丘田碼頭來回船票係35蚊，內厝澳碼頭來回船票係50蚊)，其實任何一個碼頭落船都可以，回程亦可選擇其中一個碼頭上船，所以我地揀了一個最快有船票既碼頭，輸入回鄉咭號碼後，都未能成功購票，原來哩啲售票機主要比內地居民購買，回鄉咭號碼是不受理的，所以只好去櫃檯排隊購票了~~
雖然到鼓浪嶼既班次每20分鐘便有一班船，但因當日(星期日)實在太多人了，所以最快都要11:30am先可以上船，我地只好係郵輪碼頭內周圍逛逛啦~
登船20分鐘前就要排隊準備安檢~
大家都算有秩序地排隊等待上船~
約半個鐘既船程，就到內厝澳碼頭了~
一踏出碼頭，已經有好多人不停遊說我地請他們當導遊作環島遊。當然我地沒有理會，睇完地圖後決定路線，而且島上既路牌指示都很清晰，自己走不成問題。
另外，如大家有意參觀島上五大景點，可選購100蚊人仔既聯票(網上預訂只需90蚊人仔)，景點包括：日光岩遊覽區（含日光岩與琴園）、菽莊花園（含鋼琴博物館）、皓月園、風琴博物館、國際刻字館。由於我地覺得景點門票不化算，所以決定在島上周圍逛逛食下野就算了~
沿著海邊出發~
有海鮮食市~~”黎明海鮮大排檔” XD
話咁快就見到第一個景點”鼓浪石”，但我睇唔出哩個景點有什麼特別 😛
沿途都有好多小販在街邊售賣這些飲品，但我冇勇氣一試。
如走到攰了，大家可以選擇坐這些車子繼續環島遊~
原本諗住舒舒服服坐係島上唯一一間四星酒店享用豐富既自助午餐(11:00-14:00)，點知入到去餐廳視察過後，已經沒有什麼食物可選擇，所以只好放棄，轉食其他野~~不過，酒店內既環境都唔錯呢~~
最後揀了哩間餐廳醫肚~~味道一般，價錢略貴，可能是旅遊旺區吧~
我地路經了，菽莊花園、日光岩及皓月園。聽聞係日光岩睇日落係好靚的，大家有機會都可到此一遊。皓月園是為左紀念民族英雄鄭成功而建造的雕塑公園，遠遠都能睇到鄭成功巨大既雕像。其實市中心同鼓浪嶼既距離真係好近，鄭成功雕像既對面就係市中心了……
島上既步行街，感覺有點像”曾厝垵”，同樣有好多特色食市同埋店鋪比大家買手信~
到”赵小姐”試食了四款糕點後，就買了綠豆餡餅同埋蜜柚餡餅作為手信~
睇到好多店鋪都話可以刹蚌取珠，當場睇住個阿姐開蚌，真係有十多粒珠仔在內，但我諗這不會是真的珍珠吧 =.=”
沿途已經見到有好多對新人在拍婚照，而哩條街就有三、四對新人在拍照，可能哩度比較多歐陸式建築物，所以成為拍攝婚照既熱門地。
狗仔都隨處可見~~
兜了大半個島，回程時我地選了三丘田碼頭上船~~留意返5:50pm(冬季10月至5月)、6:50pm(夏季6月至9月)後既船只開往輪渡碼頭唔會再開往郵輪碼頭。
天氣好~夕陽都特別靚~
下一站”中山路步行街”，係碼頭排隊坐的士都要等成45分鐘先可上車~只因等車既人太多但車太少~
晚餐前，去到食街都係忍唔住要試下”賴皮鴨”同”蟹黃湯包”，賴皮鴨其實同片皮鴨既味道差不多，但個湯包皮薄又多汁，好正呀!!好想叫多啲黎食，但要留肚食法國餐呢~要忍忍了…..
行完街後，就到朋友係思明區開既法國餐廳”THE F.BISTRO”食晚飯~
先黎返杯紅酒、MOCKTAIL，點了鵝干沙律、羊架，同埋甜品心太軟。因為之前掃完街黎，唔太肚餓，所以試唔到太多野，唯有下次再黎試試其他美食~~
