旅遊日記

7天東京近郊賞紅葉 DAY 5~早雲山~箱根海賊觀光船~大涌谷

今日天氣唔係咁好,望出去天空全是厚厚雲層好似想落雨~

今日大部份時間會遊箱根,乘搭登山電車、纜車、海賊船同埋空中纜車,遊覽下箱根著名既火山湖“蘆之湖”和火山溫泉公園“大涌谷”。

IMG_0816

酒店大堂,太早既關係,一個人都無呢 😛

酒店庭園都開左幾棵楓樹~

黎到餐廳,枱上已一早放左早餐MENU,今日既早餐一樣精緻,仲因應季節有紅葉點綴,視覺上都已經加左好多分,味道當然唔錯啦! 哩間温泉酒店無論食、住同服務既CP值都好高,誠意推介大家黎住下~

酒店服務員還幫我地CALL的士到御殿場JR站,5分鐘左右既車程收費為¥910,日本坐的士都幾高消費呢 ><

以下係箱根地區路線圖,箱根地區既巴士路線以英文字母及唔同顏色標記作區別,目的地會顯示係巴士前方、側面及後方既顯示板,大家記得睇清楚先上車啦!

https://www.hakone-tozanbus.co.jp/chinese_t/pdf/intro.pdf

要到6號巴士站先有車去仙台~

先坐(G route)巴士到仙石站,車程約30分鐘。

DSC09620

再轉(T route)巴士到箱根湯本站,車程都係約30分鐘左右。

到站後先到車站2/F臨時行李寄物處寄存行李,2件大型行李收費為¥1,020,這是人手寄存服務,所以唔駛擔心行李太大而入唔到儲物櫃。

DSC09623

先坐”箱根登山電車”到強羅站~

係車站附近行左陣都係決定排隊坐纜車,因為人潮越來越多,又要大排長龍等車了~

再坐”箱根登山纜車”到早雲山,鐵路兩旁仲有少量紅葉~

到左早雲山,先到觀景台欣賞下遠景~

本想坐”箱根空中纜車”到大涌谷,但因火山太活躍,所以未能行駛,唯有回到強羅站再轉車到小涌谷繼續行程。

好多遊人都一齊轉坐”箱根登山巴士”~

IMG_0879

到元箱根港坐”箱根海賊觀光船”~

IMG_0880

觀光船行駛係”蘆之湖”湖面上,約40分鐘左右會駛到桃源台站~

哩兩隻模仿海盜船和歐洲帆船就係海賊觀光船啦~


箱根航拍影片

影片由 《航拍‧角度 Zino Aerial Photography》授權提供: https://www.facebook.com/zinoaerial (YouTube頻道: http://www.youtube.com/c/zinoinz)

到左桃源台站,空中纜車突然又通車了,緊係即時排隊上車,不然停駛又去唔到了,兜左個大圈,終於可以到箱根極具代表性的地標”大涌谷”了!!

一架空中纜車大約可坐十五人,由桃源台站到大涌谷站約15分鐘,今日運氣唔係咁好,太多雲睇唔到富士山~

黎到大涌谷,一落車已經聞到好濃既硫磺味同埋見到地下不停噴出白色氣體和蒸氣。

DSC09689

大涌谷名產”黑玉子”,旁邊大樓2/F有餐廳同手信店~

IMG_0954

等我都買”黑玉子”試下先,雞蛋經大涌谷硫黃泉燙煮後,蛋殼係水煮既過程中產生化學反應變成黑色,據說食完有延年益壽既功效呢!係咪咁神奇呀?!

山上另一邊都有其他手信店同小食店~

由於火山仍然活躍,有啲地方仲係禁止遊人進入~

天氣開始轉涼同埋落起細雨,要準備落山了,經過早雲山、強羅,回到箱根湯本,車站旁有條手信街,買手信之餘仲可以食埋晚餐,今餐選擇食天婦羅蕎麥麵~

食過晚餐買完手信,要到池袋酒店,由於手上既周遊劵只可去到小田原站,所以由箱根湯本到新宿要補返車票,車程約個半小時。

IMG_0969

池袋既酒店真係細好多…..但總算干淨整潔,回到市中心,當然唔會放過夜遊機會,放好行李,又出去逛逛~

第一次到池袋食既大丸子,竟然十多年後仲係度~~買黎回味下先~~

黎到池袋SEIYU西友超市,貨品比大型百貨公司平好多,價錢大眾化,所以好鍾意逛本地超市買手信~

當晚氣溫得返幾度,但唔理咁多都要買期間限定雪糕試食,見到車里茄同柿都好靚就買左,點知車里茄係黎自福島…….應該唔會有太大問題掛XD

今日既手信一半黎自大涌谷一半黎自西友超市,買左溫泉長壽黑蛋巧克力 、竹炭花生、wasabi薯條、草餅、拉麵、豆腐、帆立貝、聖誕限量版可樂、牙膏、洗頭水、護髮素等,真係乜都可以買一餐 😛

IMG_0986

睇左幾日紅葉有點麻木,明天係第一日亦係最後一日係市區,要轉下主攻美食同購物了!!

7天東京近郊賞紅葉 DAY 1

7天東京近郊賞紅葉 DAY 2

7天東京近郊賞紅葉 DAY 3

7天東京近郊賞紅葉 DAY 4

7天東京近郊賞紅葉 DAY 6 & 7

廣告
<推薦閱讀>  【外遊登山】沒法登上頂峰的富士山登山體驗 (下)

發表迴響