一早起身就相當興奮了，因為打開窗就見到富…士…山…了!!第一次咁近距離睇富士山，成個人即刻醒曬，起身換衫食早餐!
今次訂既温泉酒店，除左包晚餐外，還會包埋早餐。餐廳環境唔錯，望住對面紅紅綠綠既山丘食早餐，心情都愉快啲!
哩間就係昨晚入住既花水庭温泉酒店~
check out及寄儲行李後，就到對面坐河口湖周遊巴士，認住紅黃色車牌就係了，十分方便~
周遊巴士主要分三條線，有紅線遊河口湖、綠線遊西湖、藍線遊鳴澤+精進湖+本棲湖。
以下係周遊巴士路線圖~
按一下以存取 routemap_retro_omni.pdf
以下係河口湖、西湖周遊巴士時間表，行駛時間由早上9:00到晚上6:00，每15分鐘一班車~
http://bus-tw.fujikyu.co.jp/heritage-tour/detail/id/1/%20-%20section3
等巴士期間周圍影下相先~
周遊巴士目前有兩種車型，哩架係其中一種紅黃相間的「Omnibus」。巴士到站，但已經滿座了，估唔到頭幾個站已經坐滿了人 ><
諗到酒店有接送服務，抱住一試既心態問下服務員可否車我地到梨川红葉回廊，他竟然OK了!!一開始就咁好彩，今天應該會好順利!
坐周遊巴士係”久保田一竹美術館”站落車就到梨川红葉回廊（梨川もみじ回廊），回廊長度大約150米，兩邊種左60多棵楓樹，紅葉祭都係哩度舉行，所以會吸引到好多人到此一遊。
陽光影射下真係好靚呀~
天氣又幾好，影出黎既紅葉都特別靚，影到唔捨得走呀!
走到對面湖邊可清楚睇到富士山!真係興奮到跳起呀!! 😛 有時間仲可以踩下水上天鵝呢~
行程緊湊既我要趕住坐周遊巴士到”河口湖自然生活館”站~
又見到富士山，真係行到邊都睇到!
穿過花街道，但唔見有花，可能未到開花季節 😛
本來想去”紅葉隧道”，但向前行左大半個鐘都未到，只好放棄~
好彩睇到好靚既湖景~旁邊仲有好多楓樹~
攝影師都選擇係哩度拍婚照啦~
哩架就係另一種黃色復古造型的「懷舊巴士」（Retro Bus），差唔多時間要回酒店了，”河口湖自然生活館”站係尾站，所以上到車之餘仲有位坐，中途有好多人都上唔到車呢~
見仲有少少時間，早左個站落車逛下手信街~哩間既cheese cake好似都幾吸引~
FUJIYAMA COOKIE店內有工場即製曲奇，曲奇餅全部都係富士山形狀，都幾特別~
離開河口湖前仲去左郵局寄postcard，係河口湖車站行10分鐘左右就到了，postcard係富士山形狀架~~好有代表性呢~
返到河口湖站坐巴士到御殿場outlet~
由車站出口向左邊走會見到去御殿場outlet既巴士[富士急行巴士]~
以下係河口湖到御殿場outlet時間表，留意返只有少部份班次尾站係御殿場outlet。
1個多小時車程就到左御殿場outlet，先搵locker放好行李就可以方便shopping啦~
食返個late lunch~簡單食左拉面、烏冬、小丸子~
outlet內遠遠仲見到富士山~好多遊客都忍唔住停低影相~
11月營業時間會到晚上8點，雖然哩度無輕井澤王子outlet咁大，但都係要行到關門先肯離開 XD
坐outlet提供既免費接駁巴士到JR御殿場站(每小時10分、25分、40分、55分一班車)，再轉的士到御殿場火星花園木酒店。酒店房間好大好新，浴室用品齊全，除左2支水仲有2支飲品送贈 XD
食完簡單晚餐就去泡温泉啦~休息同換衫區都好闊落，有2個室內及1個戶外温泉，仲有間桑拿房，戶外温泉既環境都唔錯呢!讚~
今日既戰利品~最鍾意富士山圖案既限量版Kit Kat，要係郵局先可買到架~
最後都買左富士山曲奇先離開 :p
今晚要快執完行李早啲訓了，明天一早要趕巴士到最後一個郊區景點”箱根”!