旅遊日記

又睇又食又買@釜山 DAY 5~海雲台~THE BAY 101

臨走前點都要去一去海雲台海水浴場,唔係又點算到過釜山!

見旅遊書編者推介”松亭3代湯飯”既豬肉湯飯好好食,就黎試試佢~

每位阿珠媽都好用心製作~

四個豬肉湯飯,早餐成為24,000WON(約港幣165蚊)~今個旅程試左三間豬肉湯飯,感覺上食落間間都差唔多,所以又唔一定要跟住旅遊書覓食,其實去到邊食到邊都係旅遊既其中一種樂趣!

img_0593

坐2號線到海雲台站,本想直接到海水浴場,但朋友見到商場又忍唔住要去逛逛~

途經見到甜品店,好想試下個creamcheese bagel,所以唔餓都要再食食食!

Bagel同creamcheese都可根據個人喜好配搭,點左Blueberry Cheesecake+Chocolate Bagel,再點多個Melon Yogurt Bingsu,好鍾意食哩個Bagel,中間既creamcheese真係好好食,如果香港有得食就好了~~

img_0603

再向前行十分鐘左右,就見到海雲台市場,哩度主要售賣唔同種類既地道美食,釡山好出名既盲鰻,都可以係度揾到~

朋友想試下燒盲鰻,四個人就買左份外賣過下口癮~活生生即切即燒~

行到海水浴場揾個靚位坐低慢慢嘆,食落有點辣,但醬料加埋生蒜一齊食出奇地好好食!

img_6286

可惜天氣不是太好,遊人同泳客都唔多,海鷗踪影都唔見呢~

沿住海邊往冬柏站行,就會走到THE BAY 101,碼頭對面係高級住宅,隔離就係美食商場,隨便行左陣就離開了~

回到西面站到樂天百貨作最後衝刺,之後到"海東海鮮鍋"食晚餐,哩間餐廳真係好抵食!食物又好新鮮!大家真係唔可以錯過!大力推介!

點了大份量既招牌海鮮鍋,裏面有蟹、八爪魚、扇貝、蜆和蝦,食到最後加埋個面底,超好食呀!!足夠4人份量都只係35,000WON(約港幣240蚊),再點多個海鮮燒餅20,000WON(約港幣140蚊),已經可以食到好飽~

img_0666

到機場前,仲可以食到個咁豐富既晚餐作總結,真係好滿足~

經過5天行程,釜山真係有野睇有野食同有野買架! 同首爾比較,個人都係喜愛釜山多啲,雖然景點同購物點冇首爾咁多,但勝在遊人較少,唔會到處都係香港人,鐵路又簡單易搭,無論食、住、行都比首爾平,總之就係可以食得好,住得好! 期待下次到訪釜山,因為仲有好多景點未踏足過,如鄰近既慶州、大邱都想去睇下發掘下美食!

廣告
<推薦閱讀>  【外遊登山】沒法登上頂峰的富士山登山體驗 (下)

發表迴響