一覺訓醒就決定到主餐廳好好食個早餐後再周圍逛逛，主餐廳早上只開放DECK3，所以大家唔好走到其他樓層啦~
從高處遠望內艙設計，其實都幾靚呀~
穿過位於DECK4既娛樂場，就會見到”GIOVANNI’S TABLE”這間意大利餐廳。
然後走到DECK5，就會見到第三間免費餐廳”皇家大道咖啡廳”，這餐廳是提供24小時服務的，主要提供輕食如三文治、鬆餅、蛋糕、曲奇、咖啡或茶等，所以凌晨肚餓想食野都唔怕冇野食啦!
皇家大道上不定時都會有音樂及歌舞表現，有時間既話可坐在旁邊既酒吧慢慢欣賞~
再往前走就會見到好幾間免稅店，產品是以美金計算，每日都會有特定產品進行促銷，有時還可能會買到心頭號呢~
見天氣咁好，就去DECK5船頭既停機坪睇下海景~
再到DECK4 船邊行下，旁邊有好幾張沙灘椅，就躺著吹吹海風，訓下晏覺都幾寫意~~
如大家想靜靜地睇書，又可以到DECK8既圖書館，主要提供英文書，中間既電腦係要另外付款先可以上網~
或到DECK 11既健身中心對住無敵海景跑步~
健身中心隔離仲有個室內按摩浴池，怕曬既話可以選擇入黎浸浸消暑~
1:00PM 又到LUNCH時間~
食飽又攤下，SO RELAX~~
3:15PM 要到DECK3既冰上中心準備排隊睇 4:00PM 既溜冰表演，開SHOW前半小時已經可以入座，為左揀個靚位，就決定早點排隊入場，如前一天沒有攞飛既乘客也可排輪侯座位。
今次坐正中間，位置很好睇得好清楚，記得上年睇哩個SHOW時，不停哇哇哇咁叫，因為真係十分精彩，所以今次都唔可以錯過哩個SHOW。今年既SHOW雖然與上年的有點不同，但都好精彩，旁邊的爸媽都睇得目瞪口呆，讚口不絶，所以大家都唔好錯過哩個SHOW啦~
睇完溜冰SHOW，走到DECK13，見到C ALL STAR 既成員打緊籃球，旁邊仲圍住好多小FANS。籃球場對面就係玩攀岩既地方，迷你哥爾夫球場亦係籃球場旁邊。每天在指定時間(大約一小時)會提供攀岩及衝浪課程，所以想玩哩兩項活動就要留意時間表了。
緊接著係睇衝浪表演，表演者(即係教衝浪既導師)真係好識攪氣氛，滑浪時乘機把水撥向觀眾，嚇到旁邊既觀眾V娃鬼叫，有啲走唔切仲成身或半身濕了，好不狼狽，好彩我坐係角位，不受影響，中間既觀眾只好拿著毛巾睇SHOW了，哈哈哈哈~~
每餐相隔既時間不算太長，所以到了晩餐時間還不是太肚餓，但落船前的最後一晚一定要到主餐廳來~
音樂突然響起，所有侍應放下手上既工作，廚房既幫廚及廚師都撥住餐巾走到樓梯位，有啲食客都好HIGH咁一齊撥著餐巾，然後其中一位職員致謝詞，希望大家能夠好好享受哩兩日既旅程，之後就唱左首”月亮代表我的心”既歌送比我地，最後仲有一位勁似PSY既侍應跳埋GANGNAM STYLE比我地睇，現場氣氛即時HIGH爆!!
7:30PM係DECK5既皇家大道上有夢工廠大遊行，小朋友們一定很喜歡。
興奮過後，就到泳池游下水，浸係按摩池內睇住戶外大電視007既電影感覺唔錯。
唔鐘意游水，可以到DECK12跑下步~
打下乒乓球又得~
轉個彎就有間50年代氣氛既美式餐廳”JOHNNY ROCKETS”，主要提供漢堡包和炸薯條等美式快餐。
玩到好攰，返到睡房，今晚有隻河馬等住我地呢~~
