~復活初遊廈門~ DAY 4~南普佗寺~白城沙灘

黎到旅程既最後一日，難得朋友放假，所以陪我地玩埋哩半日行程~~

第一站”南普佗寺”，入廟拜神緊係越早越好啦，9:30am左右已經有好多善信在拜神了~~

唔好以為哩度好細，都要行好幾級樓梯先可以上到”佛”字哩度架~

逗留一陣後，就行過去隔離既”廈門大學”，為左避免影響正常教學，星期一至五(12:00-14:00)會設有人流管制，只接待1,000名遊客。廈門大學有好幾個入口處，但只開放大南校門(700人)及群賢校門(300人)供遊客進入，17:30後就不限人數。由於我地果日係星期一既早上十點幾，所以未能入內，只好圍住校園外圍逛一圈。雖然門外會有好多人遊說每人付20蚊人仔就可即時入內參觀，但唔想助長哩個風氣，所以沒有理會。未能入內雖有點可惜，但當比個藉口自己下次再黎啦~~

沿著廈門大學外圍行，不遠處就會走到”白城沙灘”，水清沙幼，吹吹海風都幾舒服，環境清潔，周圍都冇乜垃圾，夏天應該好多人黎戲水~

本想坐巴士到中山路食午飯，但朋友說係廈門坐巴士要用多一倍時間先會到目的地，所以已用手機APP CALL的士了。的士好快到左，前幾日見到哩架的士已經想試坐了，內裏十分寬敞，朋友說這款的士一推出時很受廈門女生歡迎，但熱潮已退去了。這款的士也是按標收費，起標價人仔20蚊首3公里，其後每公里人仔2蚊，比起普通的士既起標價貴左10蚊。為左節省時間，所以哩幾日去邊都係坐的士，同埋車費太平了，我地緊係揀坐的士啦~~:P

午飯時間，係中山路附近既商場內飲返個午茶先~

食飽飽係時候回酒店攞返個背包回港了~~

我地住既廈門金悅酒店距離廈門火車站其實很近，朋友就帶我地行去火車站，竟然好有緣地撞見返第一日出發時有同樣遭遇果8位港人，閑談幾句，先知佢地果日係坐十幾個鐘長途巴士先黎到廈門，可惜當時我地又趕緊去火車站，未能詳談，又唔記得影返張相留個紀念，唔知係香港有冇機會再撞見返呢?

準備坐13:41火車回港~~

經過哩幾日，我覺得廈門都好值得黎呀~如能夠有多一日既時間，我會想到金門閑遊呢~~

~復活初遊廈門~ DAY 1

~復活初遊廈門~ DAY 2

~復活初遊廈門~ DAY 3