【紅葉情報】2015年大棠紅葉特報! (19/12/2015更新)

紅葉情報 -【2015年大棠紅葉特報!】 更新日期︰19/12/2015

一踏入12月又係賞楓嘅時候喇!!有朋友就話要去日本、韓國賞楓，照我話就梗係留喺香港欣賞本土「楓」啦!!

2015年接近尾聲，大棠已經有好多棵楓香樹已經變成紅色。我相信今個星期聖誕假期大部分楓香葉都會轉成紅色，大家今個假期準備好賞楓迎接聖誕未?

其實大棠山道馬路兩旁都種植咗唔少楓香樹，但係講到比較密集而又適合影相嘅位置都有幾個，而家為大家介紹一下︰ (啡色字為19/12/2015更新的情報)

位置一 (轉紅情況︰橙色、黃色  影相靚位︰♥♥)

19/12 更新照片

馬口路兩旁嘅楓香樹大迎分已轉為橙色，好多人已經急不及待拎部手機出黎狂影。

12/12 更新照片

雖然馬口路兩旁嘅楓香樹唔算多，但多數已經轉成橙色，而且哩邊嘅楓香樹比較矮，適合近距離欣賞同拍照。

位置二 (轉紅情況︰橙色、黃色  影相靚位︰♥♥♥)

19/12 更新照片

山坡上面一排嘅楓香樹大部分都已經變成橙色，漁護署在山坡上加設圍欄，遊人只能遠距離欣賞。

12/12 更新照片

以前係其中一個影靚相嘅絕佳位置，不過漁護署己經加設圍欄，不准許遊人攀爬，加上楓葉普遍還未轉色，所以我唔建議大家停留哩個位拍照，因為前面仲靚。

位置三 (轉紅情況︰黃色、橙色、淺紅色、紅色  影相靚位︰♥♥♥♥♥)

19/12更新照片

涼亭位置唔洗多講啦!仲講? 諗定pose霸靚位影相啦!!

12/12 更新照片

涼亭位置嘅楓香樹係最多最密集，咩顏色嘅葉都有。雖然樹生得比較高，但係可以在樹下嘅空地慢慢欣賞楓香樹，涼亭可作為背景拍照，絕不遜於外國的楓葉風景。無論咩角度影，upload上臉書一定呃到唔少Like 🙂

位置四 (轉紅情況︰橙色、紅色  影相靚位︰♥♥♥♥)

19/12 更新照片

涼亭位置行前多幾步嘅下坡山路旁會有一排楓香樹已有部分變成紅色，仲有芒草作伴。可惜當日同行嘅朋友就係哩個位置睇到一樣令人氣憤嘅事，想知發生咩事，我會在另一篇文章【同一片紅色天空 在紅葉下的文化差異】再講。

12/12 更新照片

很多人都會走漏眼，其實行前多幾步嘅下坡山路旁都有一排楓香樹。如果踩單車由依度下坡感覺超爽!!  樹生得不算高，擺pose影相一流。除左楓香樹，仲會見到芒草踪影，千祈唔好錯過呀!

秋冬除咗睇楓香葉，仲可以喺大棠睇其他植物(包括山烏桕、芒草、紫荊花)，絕不比楓香專美。

大棠楓香林越接近年尾人就越多，所以唔好再等喇!

但係如果大家唔想迫，咁不如先睇下大棠影片先。

隨行資訊 (更新至19/12/2015)

紅葉指數︰
路線︰大棠山道路口 → 燒烤場 → 楓香林  → (原路走)  → 大棠山道路口
難度︰3/10
全長︰約6公里
需時︰2小時 (不計休息、影相時間)
隨行裝備︰相機、小量水及乾糧(可於燒烤場小食亭補給)、禦寒衣物
大棠山道交通︰ 在朗屏西鐵站乘坐巴士K66(賞楓季節會加開特別班次)或坐紅色小巴到大棠山道的路口下車步行上山
踩單車前往︰元朗Yoho至大棠楓香林路線 (閱讀單車遊記)
詳細介紹︰

注意事項︰

• 賞楓季節時由於遊人眾多，應謹守秩序。警方會在早上開始實施車輛管制或封路措施，建議使用交通工具前往
• 有些楓香樹種植在山坡上，切勿攀爬及借樹幹力作身體平衡，宜遠距離觀賞，切勿摘去樹上的楓香葉當作留念
• 如體力許可，可從其他路徑離開大棠，減少對附近居民的影響