最新紅葉情報更新︰ 【2015年大棠紅葉特報!】 2015年12月19日更新
紅葉情報 -【2015年大棠紅葉特報!】 更新日期︰12/12/2015
一踏入12月又係賞楓嘅時候喇!!有朋友就話要去日本、韓國賞楓，照我話就梗係留喺香港欣賞本土「楓」啦!!
今年12月比往年天氣熱，紅葉轉紅一般比較遲。就算係全香港最知名最多紅葉嘅大棠楓香林，差唔多到12月中都未達到全紅，只有幾棵楓香樹的樹葉完全轉紅。雖然未完全轉紅，但係由綠色、黃色、橙色至到粉紅、紅色嘅楓香葉都有，對我黎講比起全部轉紅仲靚，大家今個星期要出動喇!!
其實大棠山道馬路兩旁都種植咗唔少楓香樹，但係講到比較密集而又適合影相嘅位置都有幾個，而家為大家介紹一下︰
位置一 (轉紅情況︰橙色、黃色、綠色 影相靚位︰♥♥)
遊人越來越多
雖然馬口路兩旁嘅楓香樹唔算多，但多數已經轉成橙色，而且依邊嘅楓香樹比較矮，適合近距離欣賞同拍照。
位置二 (轉紅情況︰綠色、黃色 影相靚位︰♥)
以前係其中一個影靚相嘅絕佳位置，不過漁護署己經加設圍欄，不准許遊人攀爬，加上楓葉普遍還未轉色，所以我不建議大家在此停留拍照。
位置三 (轉紅情況︰綠色、黃色、橙色、淺紅色、紅色 影相靚位︰♥♥♥♥♥)
涼亭位置嘅楓香樹係最多最密集，咩顏色嘅葉都有。雖然樹生得比較高，但係可以在樹下嘅空地慢慢欣賞楓香樹，涼亭可作為背景拍照，絕不遜於外國的楓葉風景。無論咩角度影，upload上臉書一定呃到唔少Like 🙂
位置四 (轉紅情況︰橙色、紅色 影相靚位︰♥♥♥♥)
很多人都會走漏眼，其實行前多幾步嘅下坡山路旁都有一排楓香樹。如果踩單車由依度下坡感覺超爽!! 樹生得不算高，擺pose影相一流。除左楓香樹，仲會見到芒草踪影，千祈唔好錯過呀!
秋冬除咗睇楓香葉，仲可以喺大棠睇其他植物(包括山烏桕、芒草、紫荊花)，絕不比楓香專美。
又有片睇!
最新紅葉情報更新︰ 【2015年大棠紅葉特報!】 2015年12月19日更新
隨行資訊 (更新至12/12/2015)
紅葉指數︰
路線︰大棠山道路口 → 燒烤場 → 楓香林 → (原路走) → 大棠山道路口
難度︰3/10
全長︰約6公里
需時︰2小時 (不計休息、影相時間)
隨行裝備︰相機、小量水及乾糧(可於燒烤場小食亭補給)、禦寒衣物
大棠山道交通︰ 在朗屏西鐵站乘坐巴士K66(賞楓季節會加開特別班次)或坐紅色小巴到大棠山道的路口下車步行上山
踩單車前往︰元朗Yoho至大棠楓香林路線 (閱讀單車遊記)
注意事項︰
- 賞楓季節時由於遊人眾多，應謹守秩序。警方會在早上開始實施車輛管制或封路措施，建議使用交通工具前往
- 有些楓香樹種植在山坡上，切勿攀爬及借樹幹力作身體平衡，宜遠距離觀賞。切勿摘去樹上的楓香葉當作留念
- 如體力許可，可從其他路徑離開大棠，減少對附近居民的影響