11月黎到，又係香港賞芒草最佳時候。今年11月好熱，芒草花開得比往年遲，估計11月尾12頭仍可以欣賞到大東山佈滿金黃色的芒草秋色。
如果怕星期六或日上大東山會好擠迫，我會揀平日上山，既可以慢慢欣賞，亦可以準確用鏡頭細心捕捉變化萬千嘅大東山風景。其實要去大東山賞芒，由伯公坳起點至到二東山的山頭到處都有。今次就等我為大家介紹一下芒草相對比較密集，而且又適合影靚相嘅位置︰
位置一 (沿伯公坳梯級上，差不多到山腰位置的山坡)
經過依遍茫茫芒海，相信大家一定意猶未盡。如果體力許可，就繼續往山上方向走，便會發現登上大東山山頂一帶山坡同樣滿佈芒草。
位置二 (大東山山頂一帶的山坡)
如果正撞上太陽西下，芒草更會發出金光閃閃光芒……好靚!
接住可以選擇先不上大東山山頂，沿鳳凰徑去爛頭營影石屋。
位置三(爛頭營)
大東山除左芒草，當然仲有其他好靚嘅景色
如果大家唔經二東山往南山作為旅途終點，可以在爛頭營找山徑上大東山 山頂睇日落，仲有機會睇到雲海。
要注意如果想睇日落就一定要摸黑落山，我建議大家帶備頭燈，比帶電筒好，因為夜晚落山始終留空雙手會比較安全啊!!
後感︰
大東山的芒草果然名不虛傳，非常壯觀，難怪遊人不絕。但既然香港有如此美景，我們應否要學懂如何珍惜，把它留給未來的一下代? 近年於網上流傳看到大東山及爛頭營石屋等地方滿目瘡痍的相片，真令人痛心! 雖然已經有好心人在網上平台列出罪狀，令人有所警惕，但我覺得仍然不足夠。香港在遠足及保護環境的知識教育上實在太貧乏，如果能夠從小培養愛護大自然的知識，定能守護多一片香港樂土。
遠足日期︰2015年11月
隨行資訊
路線︰伯公坳 → 大東山 → 爛頭營 → 大東山山頂 → 南山 (在賞芒季節，如體力充足，建議可在南山落山避開人潮)
難度︰6/10
全長︰7公里
需時︰3小時 (不計休息、影相時間)
注意事項︰
- 觀賞芒草的最佳時間在每年10月下旬至11月上旬，這時候前往大東山非常擠迫，如選擇在伯公坳離開的人士，需預留時間候車。前往欣賞芒草和拍照時，切勿另闢新路及踐踏芒草。
- 登山需要一定體力，不建議行山經驗不足人士前往。
- 山頂位置比較大風及清涼，應帶備足夠禦寒衣物。
- 山上沒有垃圾箱，請帶走自己帶來的所有垃圾。
- 爛頭營的石屋已日久失修，切勿攀爬石屋，以免發生危險。