特別推介, 遊記, 賞芒草

【隨行遊記】秋季尋芒草 沐浴在大東山金黃芒海中

11月黎到,又係香港賞芒草最佳時候。今年11月好熱,芒草花開得比往年遲,估計11月尾12頭仍可以欣賞到大東山佈滿金黃色的芒草秋色。

如果怕星期六或日上大東山會好擠迫,我會揀平日上山,既可以慢慢欣賞,亦可以準確用鏡頭細心捕捉變化萬千嘅大東山風景。其實要去大東山賞芒,由伯公坳起點至到二東山的山頭到處都有。今次就等我為大家介紹一下芒草相對比較密集,而且又適合影靚相嘅位置︰

pink-map位置一 (沿伯公坳梯級上,差不多到山腰位置的山坡)

經過依遍茫茫芒海,相信大家一定意猶未盡。如果體力許可,就繼續往山上方向走,便會發現登上大東山山頂一帶山坡同樣滿佈芒草。

IMG_5841
繼續往大東山進發

pink-map位置二 (大東山山頂一帶的山坡)

如果正撞上太陽西下,芒草更會發出金光閃閃光芒……好靚!

接住可以選擇先不上大東山山頂,沿鳳凰徑去爛頭營影石屋。

pink-map位置三(爛頭營)

IMG_5899

IMG_5918

IMG_5957

大東山除左芒草,當然仲有其他好靚嘅景色

如果大家唔經二東山往南山作為旅途終點,可以在爛頭營找山徑上大東山 山頂睇日落,仲有機會睇到雲海。

要注意如果想睇日落就一定要摸黑落山,我建議大家帶備頭燈,比帶電筒好,因為夜晚落山始終留空雙手會比較安全啊!!

後感︰

大東山的芒草果然名不虛傳,非常壯觀,難怪遊人不絕。但既然香港有如此美景,我們應否要學懂如何珍惜,把它留給未來的一下代? 近年於網上流傳看到大東山及爛頭營石屋等地方滿目瘡痍的相片,真令人痛心! 雖然已經有好心人在網上平台列出罪狀,令人有所警惕,但我覺得仍然不足夠。香港在遠足及保護環境的知識教育上實在太貧乏,如果能夠從小培養愛護大自然的知識,定能守護多一片香港樂土。

遠足日期︰2015年11月

隨行資訊 pin-blue


路線︰伯公坳 → 大東山 → 爛頭營 → 大東山山頂 → 伯公坳 (在賞芒季節,如體力充足,建議可在南山落山避開人潮)
難度︰5/10
全長︰約5公里
需時︰3小時 (不計休息、影相時間)
隨行裝備︰相機、三腳架、頭燈(或電筒)、充足水及乾糧、更換衣物
伯公坳交通︰於東涌乘坐3M往梅窩方向巴士於伯公坳下車 (*11號及23號巴士車資相對較貴,不建議乘坐)

注意事項︰

  • 大東山賞芒草季節非常擠迫,而且上山需要一定體力,不建議行山經驗不足人士前往
  • 山頂位置比較大風及清涼,應帶備足夠禦寒衣物上山
  • 山上沒有垃圾箱,請帶走帶來的所有垃圾
  • 爛頭營的石屋已日久失修,切勿攀爬石屋,以免發生危險

歡迎各位隨行者以文字、相片或影片,跟大家分享有關香港郊遊、遠足、攝影、航拍或露營的心得、遊記、趣事及路程規劃等等。

投稿方法:請把閣下的聯絡方法(姓名及電郵地址)、文字、相片檔案或影片(請提供影片存放連結,如youtube)電郵至follow2015atw@gmail.com

#內容版權歸作者所有,FolloMe隨我行網誌管理員則保留最終刊登及修改之權利

廣告
<推薦閱讀>  【隨我行 ‧ 山】小夏威夷瀑布|綠化地改劃興建房屋?

發表迴響